09/12/2014

Visita a Adegas Val Miñor

O pasado 22 de novembro vivimos unha xornada diferente na que aprendimos e disfrutamos dun dos segredos mellor gardados das Rías Baixas, o seu viño, da man do gran Érick García e de Adegas Valmiñor.

A xornada comezaba cedo na extensa finca de "A Catuxa", no Rosal, onde coñecemos as características das cepas e da súa disposición nun entorno expectacular.

Posteriormente desprazámonos a esta adega que elabora viños da D.O. Rías Baixas, con caldos monovarietais de uva albariña ou loureira, ata as máis exquisitas misturas con uvas loureiras, caíño branco e coma non, treixadura.

Érick guiounos polo edificio, e polos procesos que levan á uva dende a viña ata a botella, coa intervención de toda a maquinaria, e o cariño das xentes do viño.

Para rematar una xornada tan especial, Adegas ValMiñor agasallounos cunha gran cata dos seus viños e cunha foto conmemorativa do evento. Ademáis, os socios de Centolos Celestes gozarán durante un ano dun desconto na tenda da adega presentando o seu carnet do fondo da Ría.

Moitas grazas pola xornada e moita sorte para esta pequeña gran adega galega.

Presentación de "Bocas Cosidas". Un libro de Rubén de Marina.

O pasado sábado día 15 de novembro asistimos á presentación do libro "BOCAS COSIDAS, Historias que buscan director" do noso polifacético actor de cabeceira da peña, Rubén de Marina Giráldez.

A cita era nun local clásico da noite viguesa, o "Choco bar"da rúa Alfonso XIII, ateigado pola importancia do acto, que xirou ó redor do actor porriñés.

Unha obra desgarradora escrita dende o corazón, ou dende máis alá, arrincando o máis profundo dos sentimentos. Un libro tan persoal coma universal, un reflexo do interior máis pétreo, sen dúbida una lectura máis que recomendable.

Tras traballar en televisión, no cinema e no tan querido teatro, Rubén vai máis alá, un pasiño máis, buscando e atopando, pero coma sempre, abraiando a propios e estranos.

10/11/2014

Merenda no Serodio e RC Celta de Vigo 0 - 0 Granada CF

Xornada especial a do pasado sábado día 8 de novembro para toda a familia Centola. Foi o día elexido para facer unha merendola e xuntanza lúdico-festiva de balde para os todos os membros de Centolos Celestes.

A boa saúde económica da peña, en boa parte grazas ó compromiso de todos os seus membros, fixo posible esta actividade, xunto con outras moitas que se van facer ó longo desta tempada.

A tarde, desapacible no meteorolóxico, foi collendo color e calor de cara ó encontro que xogaba ó RC Celta de Vigo ante o Granada de Joaquin Caparrós. Partido gris e que non puido rematar coa vitoria dos celestes, que loitaron ata o final, baixo a chuvia e ante o "autobús" que plantexou o equipo andaluz.

Na curva de Marcador non houbo tempo de lamentacións, nin ante o xogo nin ante a chuvia, berrar e animar ó noso Celta como única premisa entre o minuto un ata o noventa e un. Dende a bancada de Preferencia, Dani, o centoliño de A Guarda, fixo o propio, incansable coma sempre.

21/10/2014

Athletic Club 1 - 1 Real Club Celta de Vigo. Viaxe a Bilbao

A Centolada, animando na bancada de San Mamés.
É por todos sabido o espíritu viaxeiro da afección celeste, boa coñecedora dos kilómetros de asfalto da península ibérica. Sempre fiel, sempre acompañando ó equipo vigués alí onde esté, sexa cal sexa o partido, a categoría ou a data do calendario,

Esta paisón viaxeira tivo o seu mellor lenzo a pasada fin de semana en Bilbao, cando máis de 1.200 seareiros vigueses acompañaron ó seu equipo en terras vascas, nunha xornada histórica de confraternización entre ambas afeccións.

Como non podía ser doutro xeito, Centolos Celestes estivo alí. A expedición crustácea partiu de madrugada dende o vello Balaídos.

A viaxe estivo chea de risas, cantos e bos momentos pero o paso das horas foi facendo o seu traballo e o cansanzo gañou a partida á feste xa entrando nas primeiras montañas do País Vasco.

O bus Centolo, cansos pero contentos.
O mediodía chegábamos a #BilboCeleste con gañas de festa, de facer unha boa previa e de xuntarnos con amigos celtistas e con estranos bilbainos. E así foi. Increible ambiente antes, durante e despois do encontro.

O resultado de empate a un fixo que a noite bizcaina fora unha mistura perfecta de celeste, branco e vermello. A resacosa e soleada mañá chegou, e con ela a fin desta bonita historia dun fin de semana. Como ben dixemos o sábado:

"Qué sería do fútbol sen xornadas coma esta"

02/10/2014

R.C. Celta de Vigo 2 - 1 R.C.D. La Coruña. Galiza é Celtista.

A Centolada chea de ledicia coa vitoria do Celta. (Foto: @lavozdegalicia)
O derbi sempre é especial, e gañando do xeito como gañou o Celta gusta moitísimo máis. Este martes día 23 de setembrovivimos unha xornada diferente, chea de emocións a carón do partido máis agardado da tempada, o derbi galego, o RC Celta de Vigo - RCD La Coruña.

Desta volta en Centolos Celestes non organizamos xantar, novidade, xa que un martes co partido ás 22:00 horas poderíamos decir que era "pouco operativo" calquer evento de este tipo. Iso sí, tivemos unha boa previa de tres horiñas no noso local de cabeceira, a cafetería Tribuna.

Os partidos de máxima rivalidade son tensos no campo, pero tamén na bancada, polo que ademáis de tratar de apretarnos máis nun Marcador ateigado, non fixemos nada máis especial que subir a xa tradicional pancarta de "Galiza é Celtista".

Alivio tralo penalti errado. (Imaxe: Cuatro TV)
Esa ansiedade durou pouco, concretamente ate o minuto 3, cando Nolito fixo o primeiro gol. A primeira parte que xogou o equipo do Toto Berizzo foi brillante pero o arranque da segunda foi algo máis dubitativo e chegou o empate blanquiazul. Coa proximidade do final do encontro o delirio encheu o vello Balaídos da man dun tremendo testarazo de Joaquin Larrivey.

Pero non remataron ahí as emocións, xa que ó final do encontro, unha man na area viguesa foi castigada coa máxima pena, e de súpeto, o lanzamento convertiu a Sergio, o gato de Catoira, no eterno protagonista daquel Celta-Depor da 2014/2015. Gran xornada entre amigos centolos e doutras peñas, cunha conclusión final:
Galiza é Celtista !!!

Club Atlético de Madrid 2 - 2 Real Club Celta de Vigo.

Expedición Centola no Calderón.
Nunca é doado xogar ante o Club Atlético de Madrid no Vicente Calderón e o pasado sábado día 20 de setembro puidemos comprobalo. Iso sí, desta volta o Celta apañou un  máis que meritorio punto nun feudo que últimamente resulta inexpugnable para os visitantes.O empate final 2 - 2 fixo xustiza ó visto sobre o terreo de xogo.

Un partido que, a pesares do sufrimento celeste dos derradeiros minutos, pasará á historia polo espectacular gol de tacón-espuela de Pedro Pablo Hernández, o "Tucu" que deixou abraiados a todos. Para este partido houbo un moi interesante desprazamento de afección viuesa a Madrid, que se uniu ós celtistas residentes na capital. No caso particular de Centolos Celestes, un grupiño de oito "crustáceos" acompañaron ó noso Celta na meseta, e abofé que voltaron con moi boas sensacións.

14/09/2014

RC Celta de Vigo 2 - 2 Real Sociedad. Tres vascos, un ruso e moita festa.

Segundo xantar da tempada no Serodio.
Non puido ser e a segunda vitoria da tempada esfumouse no derradeiro minuto do partido de onte fronte á Real Sociedade. Un partido vibrante e con un moi bo xogo do equipo celeste durante máis da metade do encontro. O desplome do Celta nos derradeiros minutos posibilitou o empate final por 2-2.

Se facemos unha lectura máis positiva, o caudal de xogo mostrado durante a primeira metade polo equipo de Eduardo Berizzo, foi moi esperanzador e augura que, mellorando o traballo defensivo, o Celta vai practicar un bo xogo esta tempada.

A xornada en Centolos Celestes comezóu alá polas 12:30 do mediodía coa xa típica sesión vermouth na terraza do Tribuna e a que cada vez únese máis xente. Foi o momento de coñecer á primeira sorpresa da xornada: "Sergio" Klepalov, un admirador de Alexander Mostovoi e namorado do Celta dende as lonxanas terras rusas.

Xa no Serodio, ademáis de darlle a benvida a este novo e lonxano membro de Centolos Celestes, aproveitamos para facer un intercambio de agasallos, onde "Sergio" deixounos a todos abraiados cunha biografía de Alexander Mostovoi, o gran ídolo do Celtismo chea de imáxes e anécdotas do ex-xogador do Celta.

A segunda sorpresa agradable da xornada foron os compañeiros da Real Sociedade cos que compartimos experiencias e historias de fútbol durante toda a xornada. Dende o xantar ata a noite.

Onte tamén contamos coa visita das boas xentes da Sección Valga de Centolos Celestes, que nos acompañaron dende a tarde e que disfrutaron do partido animando durante os 93 minutos do encontro.

A de onte, a pesar do empate do Celta, foi unha xornada para disfrutar e abraiarse do mundo do fútbol. Disfrutar historias tan diversas como as de Sergio, e de xentes tan alegres e festeiras como os colegas txuri-urdin cos que xantamos e mesmo compartimos bancada.


08/09/2014

Centolos Celestes campións do 1º Torneo Celeste de Fútbol Indoor

O equipo amarelo festexando o triunfo.
Onte a Peña Celtista Centolos Celestes de Vigo escribiu unha páxina gloriosa no pequeno libro da súa particular intrahistoria.

Os amarelos convertéronse nos primeiros campións do Torneo Celeste de Fútbol Indoor organizado pola Federación Galega de Fútbol Indoor na escola Rosalía de Castro de Bembrive, en Vigo. O percorrido ata a vitoria final foi longo pola duración do torneo e duro pola calidad e a intensidade de xogo dos rivais.

Comezou a mañá cun encontro antes os compañeiros da Peña Preferencia Celeste B cunha vitoria por (5-3) pero que tivo un custe elevado para Centolos Celestes xa que o noso vicepresidente Pablo Ruíz e máis Brais Lestón lesionáronse. Cun só troco, os amarelos pagaron o desgaste físico.

Ambiente relaxado antes da gran final.
O segundo partido foi ante os amigos de Canteira Celeste, e se saldou cunha vitoria por (5-1) deixando ó equipo Centolo clasificado para a seguinte rolda.

O derradeiro encontro da primeira fase saldouse cunha derrota ante "Peladores Celestes" por (6-8), con ambos equipos xa clasificados. Neste momento tamén tivemos que lamentar a lesión de Bertiño.

As semifinais disputáronse cun triangular doble. No noso cruce tocounos xogar con dous peñas amigas e xa clásicas nestas lides. O primeiro encontro ante rapaces da Peña Irmandiños1923 foi un encontro apaisoante, con moitas alternativas no xogo e no marcador e que rematou cun empate (2-2). O segundo dos encontros de semifinais rematou cunha vitoria por (5-1) ante os mozos da Peña Comando Celta. Co empate e a victoria Centolos Celestes pasou á gran final de Bembrive.

Invasión de campo trala épica remontada.
A final foi contra Peladores Celestes, un equipo con moitísima calidade como xa demostraran na fase previa. O equipo amarelo comezou recibindo un severo correctivo de catro goles a cero. Tras repoñerse e lograr meterse no partido voltou a encaixar outro parcial de catro goles a cero, polo que a falta de escasos minutos o resultado era un (4-8) moi pouco esperanzador.

O que pasou despois é moi dificil de explicar. Pundonor, garra, empuxe e convicción fixeron que no derradeiro minuto do encontro os amarelos empatasen (9-9) logrando forzar os penaltis. Uns lanzamentos impecables, sen ningún erro, déronlle ós amarelos o triunfo final.

É de xustiza salientar a implicación e esforzo de todos os asistentes, tanto xogadores como afección. Pero tamén o corpo técnico e directiva, xa que as ausencias habituais foron cubertas dun xeito maxistral tanto por Pablo na dirección como por Miguel no aspecto técnico.

Dende as 10:30 ata as 22:30 horas nun domingo de setembro, o equipo amarelo de Centolos Celestes xogou 12 horas de fútbol indoor espectacular, sen dominar a priori este deporte e sen adestrar nunca xuntos.

Foi unha lección de pundonor, coraxe, loita e compromiso dos amarelos cristalizada na épica remontada da final. Unha afección fiel e un triunfo baseado na fe, o traballo e o corazón, son os materiais necesarios para construir o que chamamos "orgullo centolo".

Noraboa a todos e todas os que onte fixéchedes coa vosa actitude esta peña máis grande e a todos aqueles que nalgún intre vestiron esta camisola. Grazas equipo.





25/08/2014

R.C. Celta de Vigo 3 - 1 Getafe C.F.

Foto: Marta G. Brea (Faro de Vigo)
Chegou o primeiro encontro da liga 2014/2015 e con el chegou a primeira victoria no vello Balaídos. Os de Berizzo venceron por tres goles a un ó Getafe C.F. nun encontro vibrante no que foi decisivo o bo fútbol do equipo celeste.

O Celta foi un equipo loitador, ben plantado no campo, e cunha idea clara de xogo. Presión, posesión, toque e solidaridade foron unha constante nun equipo, o vigués, que pasou por riba do madrileño no vello Balaídos.

En Centolos Celestes quixemos comezar ben a tempada e organizamos unha xornada celeste dende as 12:00 horas da mañá, hora de comezo da "sesión vermouth" ata as 23:00 horas, hora de finalización do partido, para familiarizar ós novos membros coas tradicións da peña.

O xantar no Serodio foi tranquilo esta vez, sen as prisas de outras ocasións, e aproveitamos para afinar as gorxas de cara ó encontro da noite. E abofé que se afinaron, xa que na bancada a "centolada" non parou de apoiar ós seus dende o primeiro ata o derradeiro minuto de xogo. Bo comezo o do domingo, dunha tempada chamada a ser a da ilusión do celtismo.

18/08/2014

José Carlos Adán: Un Centolo de record.

Carlos Adan. (Foto: Celta Atletismo)
Esta tempada, como xa temos feito, imos continuar repasando historias curiosas dos nosos socios. Hoxe é o turno dun membro da sección "Curva Centola" que ten moitos kilómetros as súas costas, e que nestes tempos do "running" moderno é todo un exemplo de superación, sacrificio e éxito no atletismo nacional. Falamos de José Carlos Adán Arias.

Nado en Vigo o 22 de xullo do 1967, este membro de Centolos Celestes e socio de Gol, foi todo un referente no atletismo de finais dos anos oitenta e sobre todo na década dos noventa. As súas especialidades eran o fondo e as probas de campo a través. Compañeiro de fatigas de atletas como Abel Antón, Martín Fiz, Antonio Serrano ou o tamén galego ou Alejandro Gómez entre outros.

Para todos os que formamos esta peña é un inmenso pracer contar entre nós cun deportista do nivel de Carlos Andán. Un deportista que defendeu a camisola do Celta dende outro ambito, con menos focos pero con meirande esforzo, o Celta de Atletismo. A continuación mostramos o palmarés deste vigués e as súas mellores marcas, tomade nota:

Palmarés internacional:

* 32 veces internacional con España.
* Medalla de Bronce por equipos no mundial de Cross de Amberes 1991.
* Medalla de Bronce por equipos no mundial de Cross de Durhan 1995.
* Medalla de Ouro por equipos no europeo de Cross de Thun 2001.
* Medalla de Prata por equipos no europeo de Cross Alnwick 1994.
* Medalla de Prata por equipos no europeo de Cross Malmoe 2000.
* Medalla de Bronce por equios no europeo de Cross Alnwick 1995.
* 3º na Copa de Europa Superliga Roma 1993 cunha marca de (28:16.19).
* 6º na final de 5.000 m do europeo de Helsinky 1994 (13:39.16).
* 7ª posición no campeonato de Europa de Cross de Thun 2001(28.13).
* 16ª posición na final de 10.000 m do mundial de atletismo de Stuttgart 1993 (30:04.34).
* 18ª posición no mundial de Cross de Durhan 1995.
* 19ª posición no Mundial de Cross junior de Neuchâtel 1986(24:08.6).
* 25ª posición no mundial de Cross de Amberes 1991 (34:56).
* 27ª posición no mundial de Cross de Belfast 1999 (41:25).
* 28ª posición no mundial de Cross de Bostón 1992 (38:00).
* 38ª posición no mundial de Medio Maratón de Bristol 2001 (1:03:33).
* 50ª posición no mundial de Cross de Ostende 2001 (42:08).
* 57ª posición no Mundial de Cross Dublín 2002 (37:26)
* 58ª posición no mundial de Cross de Stanvanger 1989 (42:12).
* 80ª posición no mundial de Cross de Turín 1997 (37:39).
* 153ª posición no mundial de Cross de Aix-les-Bains 1990(37:07).
* Participóu nos Xogos Olímpicos de Barcelona, sendo eliminado na primeira eliminatoria cunha marca de 28:58.38.


Palmarés nacional:

* Campión de España de Cross en 1994


Mellores marcas:

* 5.000m lisos 13:19.71 obtida o 5 de xuño de 1993, en Sevilla. A día de hoxe é ainda o actual récord de Galicia.

* 10.000m lisos 27:59:49 obtida o 2 de maio de 1993 en Guecho.
* Media Maratón 1h03:15 obtida o 4 de octubre de 1997 en Kosice.
* Maratón 2h15:06 obtida o 2 de novembro de 1997 en Ámsterdam.


(Fontes: wikipedia e celta atletismo)

10/08/2014

Centolos Celestes no "Arnette O Marisquiño XIV"

Hugo en acción coa súa BMX.
Unha vez máis un dos rapaces do "Muro Centolo" na curva de marcador volve a demostrar a súa prolífica actividade deportiva.

Dende fútbol ata baloncesto, pasando polo skate e as bmx, o rapaces que empurran dende a primeira liña da zona Centola mesmo forman parte de proxectos musicais de gran interese.

Un destes rapaces é Hugo Regueira Armada, quen esta fin de semana ven de participar na compeción de BMX na décimo cuarta edición do exitoso encontro de cultura urbana "O Marisquiño".

Nunha cita de tal interese e cun número tan elevado de participantes, este mozo vigués acadou un máis que meritorio posto 85 na clasificación entre os non profesionais. A pesares de ser un resultado moi aceptable, estamos seguros que para o ano que ben será ainda mellor. Deporte urbano, coma non, dende o fondo da Ría.


05/08/2014

De festa por Beade

Libro de festas de Santa Ana de Beade. Vigo.
Coma bos galegos, os Centolos e as Centolas disfrutan do verán vivindo as festas do país, que nesta terra nosa, non son poucas.

Se a pasada tempada quedamos nas festas de San Campio de Valadares, onde pasamos un moi bo rato, este ano tocaron as veciñas festas de Beade.

Neste caso a peña colaborou, cunha páxina de publicidade no libro das festas, cos amigos da Comisión de Festas desta parroquia viguesa.

Dende Sárdoma a Zamáns, as parroquias da cidade olívica son un bastión de cor celeste.

28/07/2014

II Memorial Jaime Vilar Estévez

Centolada ó final do torneo. 
O pasado 25 de Xullo os amigos da peña Arribada Celeste de Baiona voltaron a organizar o "Memorial Jaime Vilar Estévez" no campo do Aral de Baiona.

Nesta segunda edición quedamos encadrados no primeiro grupo xunto cos compañeiros das peñas Arribada1, Comando e Yoel.

Unha vez máis os membros da peña baionesa organizaron un torneo de fútbol sete onde a cordialidade e o bo rollo reinaron dende ben cedo ata o final do torneo, alá polas 20:00 hrs.

Centolos Celestes, a pesares de comezar cunha contundente victoria ante Arribada1 non puido impoñerse as peñas Comando e Yoel, non puidendo chegar o equipo amarelo ás ansiadas semifinais.

Polo equipo amarelo temos que destacar a implicación dun grupo, con numerosas ausencias, pero moi loitador, que pelexou dende o primeiro ata o derradeiro minuto. Iago e Aaron foron os goleadores.

Primeira formación do equipo amarelo en Baiona.
Pola nosa banda queremos agradecer o trato dispensado polos organizadores ademáis de darlle a noraboa ós xustos campión do torneo, Irmandiños1923, que repetiu victoria no Aral.

E coma non, agradecer a cada un dos integrantes do equipo amarelo o seu esforzo e á afección desprazada o seu alento incansabre.

Voltaremos !!!

24/07/2014

Tempada 2014 - 2015. Comezamos?

Tempada 2014 - 2015. Comezamos'
Comezamos? O vindeiro 24 de agosto comeza o espectáculo. Volta o fútbol ó vello Balaídos, volve o noso Celta tras máis de dous meses sen ver rodar o balón polo céspede do municipal vigués.

Comeza unha nova tempada, con enerxías e obxetivos renovados, con moitas novidades no plantel do Celta e con moitas ilusións na afección.

O primeiro rival será o Xetafe, o primeiro dun longo camiñar, que este ano incluirá dous derbis que seguro que será, alomenos, moi intensos tanto para os celtistas como para os "veciños do norte".

En Centolos Celestes viviremos a nos oitava tempada ó carón do Real Club Celta de Vigo. Novos retos, viaxes e aventuras. Cánticos e actividades. Todo, dende o noso punto de vista, todo dende o fondo da Ría.

Iniciamos unha nova singladura. ¿Queres coñecer o fondo da Ría?


21/05/2014

Tempada 2013 - 2014: Despedida e peche.

Imaxen do derradeiro partido de da liga 2013-2014 no vello Balaídos.
Botamos o telón da liga unha tempada máis, e xa van sete, dende o fondo da Ría. Como xa vos teño dito, esta tempada 2013-2014 foi unha tempada para lembrar, tanto no deportivo coma no social ou peñístico. 
Un Celta que foi de menos a máis e que un ano despóis dunha milagreira e excitante permanencia consolídase na primeira división do fútbol nacional. 


Unha tempada onde o vello Balaídos viviu menos victorias das agardadas e a permanencia cimentouse máis fora que na propia casa, con bo xogo do noso equipo e cun teito histórico tanto en número de socios coma en número de espectadores asistentes a cada encontro.

Unha das elaboradisimas ilustracións de Pablo Rosendo.
Pola parte que ten que ver coa vida interior, coa nosa vida coma peña, foi un ano moi especial. Dende xullo a maio a actividade foi incesante en Centolos Celestes, e serviu para unir e integrar a peña a redor dunha idea clave, pasalo ben ó carón do Real Clube Celta de Vigo. 

E abofé que o conseguimos, xa que a xulgar pola imaxes que resumen esta tempada, cada partido, fose victoria ou derrota estivo acompañado por algo máis, por algo diferente que o fixo mellor, a vosa actitude, as vosas gañas de disfrutar cada encontro, a vosa entrega diaria, a vosa maneira de entender Centolos Celestes. Este ano o obxetivo era ese, a unión e o disfrute de todos, iso sí, sen afastarse da seriedade administrativa que caracterizou a esta peña dende o se inicio. 

As camisolas de 1923 e 1924.
Continuamos coa defensa dun estadio novo para o Celta, acorde coas necesidades actuais e, sobre todo, que sexa seguro para todos nós. Acudimos ó Concello de Vigo e presentamos un escrito na Xerencia de Urbanismo que foi un exemplo de actuación para todos os que fixeron o mesmo posteriormente. Cando se trata da seguridade dos nosos fumos contuntentes, e o seguiremos sendo.

No verán o Celta cumpría 90 anos e tras o desprazamento a Oporto decidimos celebralo por todo o alto, facendo unha representación teatral entre os membros da peña para escenificar aqueles días de 1923 onde se fundou, pola fusión do Vigo Sporting e do Fortuna, o Real Club Celta de Vigo. D. Manuel Bárcena de Andrés, Manuel de Castro "Handicap" e moitos afeccioados estiveron presentes no café "Años Veinte" nunha xornada onde se presentaron as camisolas do aniversario, dúas réplicas das que vestiron o primeiro (1923) e o segundo plantel (1924) do Real Club Celta de Vigo.

Estas camisolas foron, e siguen sendo, un éxito de vendas e xunto co resto do material constituiron unha base económica moi importante para afrontar toda a tempada. Cuarta edición, cuarta tirada xa dende setembro. 

As sudadeiras esgotáronse e tivemos que facer un novo pedido, que se continúa vendendo a bo ritmo. As bufandas, a roupa interior, os polos e, coma non, as saias Centolas. Esta tempada o ritmo de vendas do noso material foi frenético, pero o máis satisfactorio foi ver que o seu uso tamén foi habitual entre todos os que formamos esta peña.

Recuperamos as viaxes, e tanto San Sebastián como Pamplona foron dúas grandes experiencias viaxeiras, en diferentes épocas e con diferentes resultados pero preciosos viaxes ambos. A forma de viaxar Centola, buses festeiros e previas en interacción coa afección local, sigue sendo algo do que sentirse moi orgulloso. O Celta nunca camiñará só.

De festa polas rúas de Pamplona.
Fixemos deporte, xogamos ó fútbol. Dende o memorial Jaime vilar Estévez de Baiona ata o Campionato da Federación de Peñas pasando pola primeira pachanga Centola o fútbol tamén estivo presente na vida da peña dende o comezo da tempada. Iso sí, a cada pachanga, un xantar, unha papada e coma non, unha festa.

Porque ese foi outro dos elementos destacados este ano, os xantares e as xuntanzas. Sanatorio do Alba, Outeiro, Novo París e Serodio comandaron os 11 xantares que se organizaron este ano e que constituiron un record histórico en Centolos Celestes.

Como cada ano, fixemos lotería e carnets, que este ano foron deseñados por vós, estreamos unha nova pancarta e un ano máis agasallamos ós novos pais e nais da peña. Esta tempada, as seccións "Master" e "Morrazo" acapararon os nacementos na peña nun ano con moita, moitísima vida. 

Non podemos esquecernos de que, por fin, inauguramos a sección en Valga, cun xantar cos nosos amigos do norte da provincia. Un feito que nos enche de ledicia.
Reconquistamos a vila de Vigo, percorrendo as rúas do casco vello e as que separaba éste do vello Balaídos, camiñando a golpe de gaita, bombo e caixa por unha vitoria que pechara a salvación do noso equipo. Noutra ocasión tiveron que botarnos das bancadas, unha xornada na que quedamos sós empurrando dende a bancada de Marcador. 

Centolos nun recibimento desta tempada.
 Chegou a celebración do noso séptimo aniversario, abraiados pola velocidade coa que pasa o tempo, e demostrámonos co mundial de peñas de #BalaídosUniversal que somos capaces de movilizarnos coma ninguén, e que tamén se pode gañar unha tanda de penaltis en saias diante de todo Balaídos.

En fin, unha tempada moi grande, que rematamos en festa, gañando ó Real Madrid e clasificados coma os novenos da primeira división española. Repasando o escrito e lembrando todo o vivido dende agosto ata maio, só podemos agradecervos a todos a vosa actitude, as vosas gañas e a vosa forza Celtista. 

Agradecervos dende a axuda na organización dos xantares, os actores do teatrillo, os buses e ata os que cada partido, berrades dende a curva, subides pancartas, colledes bandeiras, axudades co alugueiro de carnets, vestides moda centola, ou simplemente estades ahí, connosco. 

A todos vós, grazas! Grazas por esta tempada, que foi a vosa tempada, e que se convertiu no mellor ano da historia de Centolos Celestes.

Mozos e mozas, voltamos ó fondo da Ría ata finais de agosto. Disfrutade do verán.


12/05/2014

R.C. Celta de Vigo 2 - 0 Real Madrid C.F.

Imaxe da curva centola na bancada de Marcador. Foto: facebook.
Festa rachada en Balaídos a de este domingo día 11 de maio trala vitoria do noso Real Clube Celta de Vigo ante o todopoderoso Real Madrid por dous tantos a cero.

Moito máis aló dun gran partido, o domingo vivimos unha xornada completa de celebración dende as 12:00 horas do mediodía ata as 03:00 da mañá do día seguinte.

Xogábase no vello Balaídos o derradeiro partido desta tempada do Celta como local, por si non fora pouco, ante un dos candidatos a gañar ó título de liga, o Real Madrid, e tras confirmarse a matemática presenza do noso equipo a vindeira tempada na primeira división. De feito, o equipo celeste acada a falta dunha xornada o oitavo posto, algo inimaxinable alá pola primeira volta.

A Centolada durante o encontro. Foto: Centolos.
Comezaba cedo a chegar xente á explanda de Balaídos, preparada para acoller a festa do celtismo en que se convertiu a xornada de onte. Hinchables, postos de comida e bebida, talleres de pintura, música, e moito celtismo encheron os aledaños do coliseo vigués durante un gran número de horas.

En Centolos Celestes tiñamos preparadas varias cousiñas para este sinalado partido. Para comezar, como xa é habitual, unha sesión vermouth no tribuna baixo un máis que apetecible sol.

Posteriormente acercámonos ó Serodio para facer o undécimo xantar da tempada, calquera o diría, e aproveitamos para quentar motores de cara ó partido que nos agardaba ás 19:00 horas no vello Balaídos. Ademáis, e ante os rumores respecto ó estado do municipal vigués subimos a pancarta de "Perigo desprendementos. Campo Novo Xa..." Á vez e xunto co resto das peñas colaboramos na elaboración doutra pancarta que rezaba: "Grazas equipo"

Unha vez dentro do estadio só quedaba desfrutar, e así foi, xa que o Celta acadou unha ampla e xusta victoria. Ó remate do encontro, a orquestra "Panorama" animou a festa ata ben entrada a madrugada.


05/05/2014

¿Ata que morra alguén?

Foto do Informe Centolo, ano 2007.
A foto que acompaña a esta entrada é unha foto pertencente ó "Informe Centolo I", realizado por esta peña no ano 2007 e que denunciaba o lamentable estado de conservación do vello municipal vigués.

Este domingo, nesa mesma zona, baixo ese mesmo lugar, un mozo de 27 anos foi alcanzado por un cachote que se desprendeu do estadio, quedando incosciente e tendo que ser atendido polas heridas sufridas.

No mes de novembro do pasado ano 2013, unha delegación de Centolos Celestes entregou na Xerencia Municipal de Urbanismo do Concello de Vigo un escrito solicitando información sobre o estado do vello coliseo vigués, preocupados pola seguridade dos nosos socios ante os continuos desprendementos que se veñen producindo en Balaídos nos últimos anos.

Basta xa de remendos, o tema do vello Balaídos é unha cuestión de seguridade, no recinto municipal con maior capacidade e en peor estado. 

Teñen caido tantas "promesas políticas" coma "cascotes" no vetusto estadio vigués.

C.D. Osasuna 0 - 2 R.C. Celta de Vigo

Bo ambiente polas rúas de Iruña.
A pasada fin de semana, a Peña Celtista Centolos Celestes xunto cos compañeiros e amigos de Irmandiños1923, organizaron a viaxe a Pamplona, para presenciar o partido do noso Celta, ante o C.D. Osasuna.

O autobús fletado polas dúas peñas partiu da bancada de Río en plenas festas da xuventude, o que foi un bo presaxio do que ó final aconteceu en terras navarras.

Ademáis de Irmandiños, os compañeiros de outras peñas como Siareiros Dezaos, Dani Abalo, Comando Celta e da mítica peña de Canido nos acompañaron nesta incrible viaxe a Iruña, a través da noite da meseta, nunhas non tan longas 10 horas de traxecto. 
Ambientazo no bus Centolo - Irmandiño.

Pasaron as horas de bus e con elas a noite, e xa ó redor das 12:00 horas do mediodía chegaba a expedición celtista ó noso particular hotel de concentración. Ducha e a seguir de festa.

Tocaba vivir unha previa en condicións, tocaba barrio vello, rúas estreitas, bares e xentes, tocaba vivir o máis bonito desta tolemia chamada celtismo.

Eliximos a Rúa Estafeta polo significativo da mesma, e descubrimos que o sábado era o día das peñas do Osasuna, cun gran número de charangas e grupos de animación. Bailes, bailes  e máis bailes, nun peregrinar lento pero lúdico cara o estadio do Sadar (Reyno de Navarra) na compaña tanto de compañeiros celtistas coma de vermellóns.

A bancada visitante no estadio do Sadar.
Co partido chegou a ledicia polo gran xogo e polo merecido resultado, que facía xustiza e pechaba unha permanencia doce e tranquila, baseada no bo xogo e na aposta decidida pola canteira celeste.

Unha vez no estadio tamén tivemos coñecemento dos episodios violentos acaecidos antes do comezo do encontro, que por fortuna non vivimos, pero que empañaron o fin da xornada na capital navarra. 

Coma broche, a viaxe de volta, xa o domingo, que foi de todo menos tranquila e calmada. Festón, permanencia e unha viaxe, a segunda da tempada, para lembrar sempre.

29/04/2014

RC Celta de Vigo - Real Valladolid CF

Os lanzadores de Centolos. (Facebook Preferencia Celeste)
Gran día, unha vez máis esta tempada, o vivido este luns no vello municipal de Balaídos. O Real Club Celta de Vigo gañou con claridade o Real Valladolid por 4-1, acadando os ansiados 43 puntos que, si non é dun xeito matemático, sí dunha maneira virtual danlle ó equipo vigués a permanencia na primeira división.

Unha vez máis o Celtismo deuse cita no vello municipal dun xeito abrumador, chegando balaídos ós 17.106 espectadores un luns ás 22:00 hrs.

Aínda que non sexa noticia, hai que escribir en letras de ouro a implicación da afección e a gran afluencia durante toda a tempada, a un estadio que non da comodidade algunha os sus habituais pobladores.

Pero para os Centolos e as Centolas onte a noite tivo unha cor especial. Esta pasada fin de semana participamos no I Mundial #BalaídosUniversal A Peña Celtista Centolos Celestes clasificouse para a final na tarde do domingo mediante votación a través de “favoritos” dunha foto propia no Twitter.

Yago Prieto, en plena acción. (Facebook Preferencia Celeste)
Onte, no descanso do partido enfrentámonos cos amigos de Irmandiños1923, cun bo porteiro de Preferencia Celeste baixo os paos, nunha tanda de penalties, na que a sorte estivo do noso lado e coa que nos proclamamos campións do 1º Campionato Mundial de Peñas #BalaídosUniversal !

O ano do 90 aniversario do Real Club Celta de Vigo, as camisolas de 1923 e de 1924 de Centolos

Celestes luciron máis que nunca sobre o céspede de Balaídos da mán dos nosos xogadores, que ademáis lanzaron os penalties coas saias centolas, uns cracks!!!

Estes foron os nosos particulares heróes:

- O “correcamiños” do Morrazo, MARCOS SOBRINO.
- A locomotora guardesa, o “bombeiro” HUGO ESTÉVEZ.
- O descaro de YAGO “filigranas ziguich” PRIETO.


Equipo e afección de Centolos Celestes. Os lanzadores coas saias e as camisolas de 1923 e 1924. (Facebook Pref.Celeste)
Grazas a todos por facer da de onte, unha vez máis, unha gran noite !!

17/04/2014

Cea VII Aniversario de Centolos Celestes

Tarta do 7º Aniversario. "Los postres de Mely"
Tremendisimo festón o vivido o pasado sádado día 12 de abril no "Sanatorio do Alba" con motivo da festa do VII Aniversario de Centolos Celestes.

Foi un día compreto para tódolos membros da peña xa que dende a sesión vermouth das 12:00 ata o fin de festa, alá polas 04:00 da mañá, o sábado deu para moito con todo un intenso partido entre o RC Celta de Vigo e a Real Sociedade polo medio.

O punto rescatado no vello Balaídos, nos últimos instantes e cun xogador menos grazas o gol de Santi Mina, serviu para expolear á centolada de cara a noite do seu aniversario.

Unha noite para lembrar.
A cita era no restaurante "Sanatorio do Alba" e o plan era o seguinte. Comezamos ceando copiosamente, dende polbo e calamares ata churrasco. Tras un breve discurso, tocou sorteo.

Un sorteo cheo de productos "Celta", material da marca alemana "Adidas" e coma non tamén productos propios da peña. Ó rematar o sorteo presentamos o polo de verán de Centolos Celestes.

Tras os agasallos e as sorpresas, era o momento de DJ Isaac, e bueno, a partir de aquí cada que foi un pouco á sua bola. A noite e festa, en fin, a Centolada disfrutou dunha xornada para lembrar.

Os novos polos.
Queremos agradecer tamén a presenza dos membros de outras peñas amigas que non se quixeron perder unha noite de celtismo e unidade connosco. Grazas.

Xa van sete añidos, dando guerra dende o fondo da Ría de Vigo. Grazas a todos por facelo posible.

Peña Celtista Centolos Celestes de Vigo - Fundada en 2007

Se queredes botarlle un ollo á reportaxe fotográfica enteira da cea, realizada pola nosa compañeira Carla Ferraz, non dubidedes en premer aqui:  https://www.facebook.com/centoloscelestes





31/03/2014

Reconquista, aniversario e vitoria !!!

Inicio da camiñata, nas proximidades de Alfonso XII.
Tremenda xornada a vivida esta fin de semana, en especial o sábado día 29 de marzo, tanto polo Celtismo en xeral coma polos que formamos Centolos Celestes en particular. Explicámonos.

O venres día 28, ademáis de ser o día da Reconquista de Vigo, no fondo da Ría celebrábamos o noso septimo ano de vida, polo que toda a fin de semana tivo unha cor especial para nós.

A fin de semana comezaba no Casco Vello de Vigo da man dos amigos da "Peña Freixo Rock" que montaban un posto na Ribeira do Berbés e que amenizaron, a ritmo de gaita e percusión, a xornada do venres, día da fundación de esta nosa peña.

Camiñata previa dende o Berbés ata a Porta do Sol.
Viños, sangrías e "chouripans" despóis, o sábado amencía cunha quedada que pretendía unir os dous puntos quentes da cidade, Casco Vello e Balaídos. E así foi.

Cun tremendo ambiente festivo subimos dende o Berbés pola Rúa Real dirección Porta do Sol, e unha vez coincidimos co resto de compañeiros na céntrica praza, saímos dirección Balaídos cun só pensamento, cunha soa idea na nosa testa:
A vitoria ante o Sevilla C.F. !!!

Os centos de Celtistas que nos congregamos na marcha cara Balaídos apuramos o paso e chegamos más cedo que tarde ós aledaños do vello municipal vigués. Unha vez máis, unha boa iniciativa e un espíritu de unidade en torno o equipo celeste fixeron posible que o Celtismo voltara a sorprender.

Imaxe da bancada de Marcador o sábado.
Na bancada tocou o de tódolos partidos: Sufrir e berrar. Por primeira vez na curva centola unha gaita, unha caixa e dous bombos subiron ás bacadas e fixeron tronar ó municipal vigués.

Cando xa case non tiñamos esperanzas, cando xa morría o partido un xenial Mario Bermejo e un efectivo Nolito dábannos a victoria nos derradeiros compases do encontro.

O delirio foi total, e a festa comezóu nese mesmo minuto e se prolongou, coma non podía ser de outro xeito ata ben entrada a madrugada no Casco Vello.

Por outra xornada igual, por outra reconquista, por outra vitoria  do Celta, por outros sete anos xuntos...




12/03/2014

R.C. Celta de Vigo - Club Atlético de Madrid

Moral intacta a pesares do resultado.
Non puido o noso Celta con Atlético de Madrid este pasado sábado no vello Balaídos. O equipo colchoneiro impúxose por 0-2, un resultado enganoso para o que se puido ver sobre o terreo de xogo, e marcado por dous claros erros defensivos do equipo vigués.

Para os moradores do fondo da Ría a xornaba comezaba ben cedo, ó redor das 12:00 hrs da mañá cunha "sesión vermouth" na cafetería Tribuna baixo un esperado sol.

Ó redor das dúas da tarde tocaba trocar de escenario e xuntarnos ó redor dunha mesa para falar, cantar e rir desfrutando do máis que apetitoso menú do mesón Serodio, en Coia.

Tiveron que botarnos fora.
O menú contundente e a carallada reinante foron o mellor momento de festexar o cumpreanos da nosa compañeira Carla, e de felicitar a Tamara pola súa recente maternidade.

Tras un bo xantar, e o pertinente terraceo, tocaba voltar a Balaídos para afrontar a previa do que sería un partido moi importante. Moito cántico e cachondeo que axudaban a prepararse para a cita das oito.

Cada vez máis no Serodio.
O partido foi complicado, e máis que se complicou, pero na curva de Marcador o apoio incondicional ó noso equipo non parou dende o primeiro minuto ata ben remato o encontro.

Como dicíamos ó principio non puido ser, pero estamos comvencidos que en breve chegarán as victorias precisas para garantir a presenza un ano máis na primeira división. Sempre Celta. Imos Celta.
                                                 

Moda Centola, outro xeito de vestir Celta.

Correa e Ferro no Tribuna.
A moda Centola pega forte coa chegada do bo tempo. Nesta pasada xornada, na que o RC Celta de Vigo enfrentábase o Atlético de Madrid, coincidiron tres circunstancias que fixeron do sábado un gran día.

Por unha banda, o partido, que se xogaba ás 20:00 hrs propiciou que a previa de Centolos Celestes fora das "moi longas". Ademáis de iso, o xa habitual xantar, e coma non, a boísima temperatura rexistrada en Vigo.

Os Centolos e Centolas aproveitaron para encher de cor os aledaños do vello estadio de Balaídos, coas súas bufandas, pero por riba de todo, coas súas camisolas do aniversario, e coma non, coas típicas saias celtas.

Queremos aproveitar para agradecer a boa acollida que teñen sempre os nosos productos, e en especial, nesta tempada 2013/2014.

Esgotouse a roupa interior da peña, pero aínda podedes mercar o resto dos nosos productos enviando un mail a centoloscelestes@hotmail.com

24/02/2014

R.C. Celta de Vigo - Getafe C.F.

A "Centolada" que se deu cita no Serodio (Coia)
O pasado sábado día 22 de febreiro unha boa récua de centolos e centolas volveron a xuntarse para vivir unha nova xornada de festa e Celtismo a carón dos seu compañeiros de peña.

A idea, a pesares de non ser moi orixinal, era sinxela e atractiva: Comezar o día cunha sesión vermouth no "Tribuna", continuar cun xantar no "Mesón Serodio" do barrio de Coia, coller carreira cunha previa de calidade, outra vez no Tribuna, e rematar deixando as nosas gorxas nas bancadas do vello municipal de Balaídos.

O ambiente foi festivo dende a mañá, e algúns Centolos e Centolas fixeron a súa estrea particular co resto da peña, e abofé que polo que se viviu, fixérono pola porta grande. A Sección Valga tamén estivo moi ben representada.

O xantar foi organizado polo noso compañeiro Iago "Trajeeeta", que a pesares de estar recente o seu paso polo hospital, non perdeu unha cita coma a do sábado.
Román e Mallo na bancada.

Na bancada, o de sempre, empurrar e empurrar sen parar e sufrir coma sempre ó carón do noso Celta, que tras comezar mal o encontro puido rescatar un punto moi valioso para a loita pola ansiada permanencia. 

Por si non fora de abondo, aínda aproveitamos para ir provando novos cánticos de cara ó tramo definitorio do campionato, así que xa sabedes, a afinar a gorxa!!!

11/02/2014

Xabarín, amor e moitas gaitas en Valga

Entrega da bandeira de Centolos Celestes Sección Valga.
Este pasado sábado día 8 de febreiro, unha delegación de Centolos e Centolas desprazáronse dende a Ría de Vigo ata as terras de Valga para a inauguración da Sección Valga de Centolos Celestes.

Con gañas a pesares da situación meteorolóxica adversa, arrincamos ben cedo dende a cafetería Tribuna, en Balaídos, cara esta localidade ó norte da provincia de Pontevedra.

O obxetivo era chegar a tempo para o "momento vermouth" e aproveitar entón para facer entrega ós representantes da recen inaugurada sección, da bandeira oficial da peña. E así foi como no bar "Pardal" quedou oficialmente constituida a Sección Valga.
Entrega da camisola de 1923, asinada polo plantel do Celta.

Ademáis da bandeira tamén fixemos entrega da exitosa camisola de 1923, da que xa quedan moi poucas unidades, asinada por todo o primeiro plantel do Real Club Celta de Vigo.

As risas e os agasallos leváronnos ó prato forte, e nunca mellor dito, da xornada; Un gran xantar a base de Xabarín. Tremendo!!

Máis tarde, desfrutamos do primeiro serán de Cordeiro, organizado polos membros da sección no lugar da Barcia.

Os mozos e mozas da sección Valga son Celtistas que nos acompañan intermitentemente pero de un xeito regular na curva de Marcador dende fai máis de tres anos. A partires de agora, o obxetivo e medrar e ser cada día máis os que dende este "fronteirizo" concello xunten forzas para loitar xuntos polo noso Celta.

Moi agradecidos da acollida e o cariño recibidos, espereramos vervos cedo polo vello municipal de Balaídos. E como reza o título; Xabarín, amor e gaitas, coma non, en Valga!!!