17 de dec. de 2013

Un millón de euros para Balaídos

Caída de cascotes en Balaídos o 18/11/12.
O pasado domingo, atopamos no Faro de Vigo a noticia da inversión para o estadio de Balaídos nos orzamentos do Concello de Vigo para o ano 2014. Ó parecer está presupostado investir no vello coliseo vigués un millón de euros para reparar chans e cubertas nas bancadas. Na noticia sinálanse as denuncias de "Peñas" preocupadas polo estado do estadio municipal vigués.

Dende Centolos Celestes congratulámonos de que o Concello de Vigo invista en Balaídos para garantir a seguridade dos asistentes pero entendemos que isto non é de abondo, xa que o problema do estadio vai máis alá dunha reforma puntual.
De feito, aínda seguimos á espera de resposta ó noso escrito por parte da Xerencia Municipal de Urbanismo para sacar as nosas conclusións en primeira persoa, e non a través do que publiquen os medios de comunicación. Tan pronto como teñamos noticia da nosa reclamación informarémosvos puntualmente.

11 de dec. de 2013

Torneo de fútbol da Fedración de Peñas 2013

Unha das formacións do equipo amarlo no torneo.
Este venres día 6 do nadal celebrouse a primeira fase do xa tradicional campionato de fútbol de peñas que organiza a Federación de Peñas Celtistas.

Os do equipo amarelo quedamos encuadrados no complicado Grupo B, que xogaba no campo de Matamá, xunto cos amigos de Siareiros.net+Canteira Celtista, Lío en Río e Irmandiños1923.

Ó feito de xogar nun grupo con xente coñecida, habitual polo vello municipal de  Balaídos, é moi reconfortante.

A afección sempre presnte cos amarelos.
A bancada do Penedo da Moo estaba chea de afeccioados de todos os equipos, polo que o grupo tivo un ambientazo.

O grupo estivo moi igualado, ata o feito de que ninguén gañou por unha diferencia de dous ou máis goles, con victorias por (1-0) e (2-1), habendo só un empate (1-1). E como non, ese foi o noso caso, cunha victoria inicial ante Siareiros.net+Canteira por (2-1), e con dúas derrotas por (1-2) ante Lío en Río e Irmandiños. O máximo goleador amarelo foi Yago Prieto, con dous chicharros.

Cunha victoria e dúas derrotas, catro goles a favor e cinco en contra, Centolos Celestes quedou eliminado nesta primeira fase, na que o potente equipo de Lío en Río (Sr. Caballo incluido) pasou coma primeiro de grupo. Os vixentes campións do torneo, Irmandiños1923, quedaron segundos e a pesares do equipo tan competitivo que levaron, os amigos de Siareiros.net+Canteira pecharon o grupo de Matamá.

Actitude, tensión, concentración... valores centolos.
A non clasificación dos amarelos, xunto coas conversas entre o elegante adestrador Javi Vaz e o presidente de Siareiros.net, Javier Encisa, levantaron as sospeitas e a rumoroloxía na contorna amarela, pero polo de agora acontinuidade de Vaz está garantida.

Tras rematar os partidos, unha boa récua de Centolos e Centolas quedaron para unha churrascada no monte do Alba, doblando en número ós que estaban na Moo, e claro, pasou o que tiña que pasar: Liouse una boa carallada no fondo da Ría !!!

Queremos agradecer enormemente a presenza do capitán Jesu Prado, lesionado, que acudiu o Penedo da Moo a arroupar ós seus.
















Fin..?
 
 

26 de nov. de 2013

Viaxe a Donostia: Real Sociedad - RC Celta de Vigo

Centolos e Centolas no bus á súa saída de Balaídos.
A viaxe que Centolos Celestes fixo a terras vascas non puido rematar coa guinda dunha victoria do Real Club Celta de Vigo.

Había gañas de viaxe Centolo e iso notábase nos que na madrugada do venres para o sábado agardaban a saída do bus cara San Sebastián.

Agardaba unha longa noite de estrada, pero cando se trata de acompañar ó noso Celta, o celtismo sempre atopa xeitos de facer máis doado o monótono da viaxe con berros, cánticos e festa.

Pola mañá chegamos ó hotel en Lasarte, a escasos cinco kilómetros de San Sebastián,  e unha hora despois saíamos camiño da capital Donostiarra. Ó mediodía chegamos a Donostia con moitas gañas de festa, e de disfrutar das xentes e da rica gastronomía vasca.  

Tarde de previa longa e partido, que a pesares dos goles do Celta, e de non parar de animar os noventa minutos, todos sabemos como acabou. Mágoa. Seguimos en pé.

Pintxo vai, pintxo ven.
De festa pola zona vella de Donostia.

De previa antes do partido.

13 de nov. de 2013

Escrito á Xerencia Municipal de Urbanismo

Centolos esta mañá no Concello.

A Peña Celtista Centolos Celestes de Vigo ven de presentar hoxe, día 13 de novembro de 2013, un escrito no rexistro da Xerencia Municipal de Urbanismo do Concello de Vigo en relación ó estado do vello estadio municipal de Balaídos.

No escrito solicitamos información relativa á data de realización da Inspección Técnica de Edificios (I.T.E.), plan de obras a acometer no estadio e retirada de andamios así como un garante da seguridade para os que somos usuarios habituais do recinto, en concreto da bancada de Marcador.

Así mesmo, adxuntáronse ó escrito os diferentes "Informes Centolo", coas correspondentes reportaxes fotográficas, que a peña foi elaborando e publicando dende o ano 2007 e que mostraban a delicada situación do vello estadio municipal.


Dende o noso punto de vista o tema de Balaídos non responde a unha cuestión de incomodidade ou de obsolescencia, que tamén, senón que é xa para todos nós unha cuestión de seguridade e integridade das persoas que usan o estadio municipal.

11 de nov. de 2013

Campo Novo Xa

Porta 11 de Marcador, 09/11/13. Centolos Celestes.
O texto que ven a continuación foi publicado por Centolos Celestes na súa web no ano 2007, era o primeiro Informe Centolo no que pretendíamos mostrar e denunciar a grave situación do vello municipal vigués.

Dende fai uns meses a bancada de Marcador, nas proximidades dos bombeiros, conta cun andamio que apuntala parte da mesma.


Vai rematando o ano 2013 e pouco ou nada parece ter cambiado...



INFORME CENTOLO

Balaidos: Deporte de risco.

Quenes viaxan co equipo, ou quenes bucean a miudo polas profundidades da rede, saben ben dos estadios que existen ou que se proxectan tanto en España coma no resto de Europa. En moitas cidades onde hay estadios de fútbol feitos fai escasamente dez anos, xa se comezan a demandar novos coliseos acordes coas necesidades actuais.
Acudir un domingo a Balaidos estase a convertir nun deporte de risco. E tralo paso de varios presidentes, numerosos adestradores e un sinfín de xogadores, o vello municipal de Balaidos non cambióu en 25 anos. De feito, as bancadas que veñen de cumplir 37 anos (Todas menos as de Río) deben ser as únicas que se conservan coa cuberta de formigón no vello continente.
Coas seguintes imaxes a Peña Celtista Centolos Celestes de Vigo  pretende denunciar a grave situación actual do estadio de Balaidos, que xa pasóu o límite entre estadio vetusto e incómodo para se convertir nun estadio perigoso para quen o utiliza.
Para nós un novo estadio é máis que necesario, pero queremos fuxir de polémicas sobre a súa ubicación porque xa entraríamos no subxetivo terreo das opinións.
O verdadeiramente importante é que non podemos pechar máis os ollos ante esta vergoñenta evidencia.
A situación é grave, as imaxes falan por si mesmas.

Peña Celtista Centolos Celestes de Vigo 2007


Esquina de Marcador con Río, 08/11/13. Centolos Celestes.
Algunhas das deficiencias que se observaban daquela nas fotos que sacamos ó redor do estadio, as superficiais, foron "reparadas" ou parcheadas,  pero pola contra, todos sabemos que o problema do vello Balaídos é estructural e non se arranxa con parches

Como se pode observar nas fotos que adxuntamos o xa vello estadio vigués é perigoso e por desgraza estase a demostrar “cachote” a “cachote" empeorando, día a día, a súa situación . Non pararemos de dicilo: Campo Novo Xa !

 

5 de nov. de 2013

1ª Pachanga Centola

Parte do equipazo de Centolos Celestes trala pachanga.

Gran xornada a vivida o pasado venres día 1 de novembro en Centolos Celestes. Dende xa fai bastante tempo moitos de vos víñades propoñendo facer unha pachanga de fútbol entre nós a modo de preparación para o torneo de peñas celtistas da Federación de Peñas do Celta e así foi. O día amenceu gris, pero iso non foi impedimento para que moitos se deran cita ás 11:00 da mañá no campo da Gándara, en Valadares. Campo para nós, cantina para nós, afección…todo estaba listo para unha xornada de deporte, festa e xuntanza entre Centolos e Centolas. 

Por mor da calidade técnica e o fondo físico dalgúns dos xogadores decidiuse xogar a fútbol sete, iso sí, máis de duas horas "non stop". Nestes casos nótase moito os que sí son habituais dos campos de fútbol e os que pola contra son máis habituais de sofás, bares e tabernas…Pero o importante era botar unhas risas e abofé que o pasamos ben entre os "celestes" e os "mandarinas".

Miguel Lorenzo chutando a portería. Imparable.
O segundo tercio chegou co xantar posterior á pachanga, que se celebrou no mítico bar Outeiro de Beade. O menú foi básico pero contundente; Churrasco "a saco" para todos e bebida na mesma medida. Moita festa, vacile e cachondeo entre os presentes e para rematar, xunco cos licores agasallo da casa, entregáronse os carnets de Centolos Celestes pare esta tempada 2013/2014. 

As malas linguas contan que algúns quixeron continuar a festa ata ben entrada a madrugada.